വാഹനങ്ങള്‍ക്ക് സാധാരണ പെട്രോള്‍, ഡീസല്‍ മുതലായവ ഇന്ധനങ്ങള്‍ ആകാറുണ്ട്. എന്നാല്‍ നാം ഇന്നു ഇവിടെ ഒരു ബലൂണ്‍ എഞ്ചിന്‍ വണ്ടി നിര്‍മ്മിക്കുകയാണ്. ന്യൂട്ടന്റെ മൂന്നാം ചലന നിയമം ആധാരമാക്കിയാണ് ഇതു പ്രവര്‍ത്തിക്കുന്നത്.
ആവശ്യമായ സാധനങ്ങള്‍
1. തെര്‍മോക്കോള്‍ പീസു കൊണ്ടോ മറ്റോ നിര്‍മ്മിച്ച ഒരു ചെറിയ വണ്ടി. ചക്രങ്ങള്‍ക്ക് നല്ല വണ്ണം ചലിക്കാ‍ന്‍ സാധിക്കണം. (നല്ലവണ്ണം ഉരുളാന്‍ കഴിയുന്ന ഒരു പ്ലാസ്റ്റിക്ക് കളിവണ്ടി ആയാലും മതിയാകും.)
2. ഇടത്തരം വലുപ്പമുള്ള ഒരു ബലൂണ്‍.
3. പഴയ ഒരു പ്ലാസ്റ്റിക്ക് പേനയുടെ ട്യൂബ്.
4. നൂല്‍
ആദ്യമായി പ്ലാസ്റ്റിക്ക് പേനയുടെ ട്യൂബിന്റെ വണ്ണം കൂടിയ വശത്ത് നൂല്‍ ഉപയോഗിച്ച് ബലൂണ്‍ ഉറപ്പിക്കുക.
ഇനി ചിത്രത്തില്‍ കാണിച്ചിരിക്കുന്നതു പോലെ ട്യൂബ് കളിവണ്ടിയുടെ മുകളില്‍ നൂലോ സെല്ലോറ്റേപ്പോ ഉപയോഗിച്ച് ഉറപ്പിക്കുക. ബന്ധിക്കുമ്പോള്‍ ട്യൂബ് മാത്രം കളിവണ്ടിയുമായി ബന്ധിക്കാന്‍ ശ്രധിക്കുക.
ഇനി ട്യൂബിലൂടെ ഊതി ബലൂണ്‍ സാവധാനം വീര്‍പ്പിക്കുക. ബലൂണ്‍ വീര്‍ത്തതിനു ശേഷം വണ്ടി നിലത്തു വെക്കുക. ബലൂണിലെ കാറ്റ് ട്യൂബിലൂടെ പുറത്തേക്ക് പോകുന്നതിനോടൊപ്പം, വണ്ടിയും സാവധാനം മുന്നോട്ട് കുതിക്കുന്നു.
വണ്ടിക്കു അധികം ഭാരം ഉണ്ടെങ്കില്‍ മുന്നോട്ട് സഞ്ചരിക്കാന്‍ പ്രയാസം ആകുമെന്നു പ്രത്യേകം പറയേണ്ടതില്ലല്ലോ.
© ScienceUncle. All rights resereved.
Monday, October 29, 2007
ഇതാ ഒരു ബലൂണ്‍ വണ്ടി!!
Subscribe to:
Post Comments (Atom)
സയന്‍സ് അങ്കിളിന് പറയാനുള്ളത്..
നന്ദി.. കടപ്പാട്..
ബലൂണ്‍ വണ്ടി ഉഗ്രന്‍
ReplyDeleteശാസ്ത്രം, കൌതുകം എന്നീ ലേബലുകള്‍ ശുപാര്‍ശ ചെയ്യുന്നു.
ReplyDeleteസംഭവം നന്നായിരിക്കുന്നു .പക്ഷേ ഒരുപാട് കനം കുറഞ്ഞാല്‍ ചിലപ്പോള്‍ ജെയിംസ് ബോണ്ട് കാറ് പോലെ പറക്കുംമോന്ന് ഒരു സംശയം
ReplyDeleteകൊള്ളാം ബലൂണ്‍ വണ്ടി.
ReplyDeleteപോത്തന്‍‌കോടന്‍, ത്രിശങ്കു, ഏ.ആര്‍. നജീം, चन्द्रशेखरन नायर എല്ലാവര്‍ക്കും നന്ദി. തുടര്‍ന്നും വായിക്കുക. പ്രോത്സാഹിപ്പിക്കുക.
ReplyDelete- സയന്‍സ് അങ്കിള്‍