മനുഷ്യവാസമുള്ള എല്ലാ പ്രദേശങ്ങളിലും കാണപ്പെടുന്ന ഒരു ജീവിവര്ഗ്ഗമാണ് ഈച്ചകള്. ദ്രാവകാവസ്ഥയിലുള്ള ഭക്ഷണമാണ് ഈച്ച അകത്താക്കാറുള്ളത്. സ്പോഞ്ച് പോലെയുള്ള വായുടെ
ഭാഗങ്ങള് ഇത്തരം ദ്രാവക ഭക്ഷണം വലിച്ചെടുക്കാന് ഈച്ചകളെ സഹായിക്കുന്നു.
ഈച്ചകള് സാധാരണയായി അവസാനം അകത്താക്കിയ ഭക്ഷണശകലങ്ങള് പുതിയ ഭക്ഷണത്തിലേക്ക് ഛര്ദ്ദിക്കാറുണ്ട്. പുതിയ ഭക്ഷണം എളുപ്പത്തില് ദഹിക്കാന് ഇത് ഈച്ചകളെ സഹായിക്കുന്നുണ്ടെങ്കിലും പലവിധ അസുഖങ്ങള് പരക്കാനും ഇത് കാരണമാകുന്നു.
ഓരോന്നിലും നാലായിരത്തോളം ലെന്സുകള് ചേര്ന്ന സംയുക്ത നേത്രങ്ങളാണ് ഈച്ചകള്ക്കുള്ളത്. ചുവപ്പ് നിറം കാണാനുള്ള കഴിവ് ഈച്ചകള്ക്കില്ലായെന്ന് പറയപ്പെടുന്നു.
കാലുകളുടെ അഗ്രങ്ങളിലുള്ള നേര്ത്ത രോമങ്ങളിലൂടെ ദ്രവകങ്ങളുടെ രുചിയറിയാന് ഈച്ചകള്ക്കാവും. ഒരു പെണ്ണീച്ച അതിന്റെ ആയുസ്സില് 600 മുതല് 1000 വരെ മുട്ടകളിടാറുണ്ട്.
© ScienceUncle. All rights resereved.
സയന്സ് അങ്കിളിന് പറയാനുള്ളത്..
നന്ദി.. കടപ്പാട്..
