ബൈനറി (രണ്ട് ആധാരമായ) സംഖ്യയെ കൈവിരലുകള്‍ ഉപയോഗിച്ച് ഡെസിമല്‍ (പത്ത് ആധാരമായ) സംഖ്യ ആക്കാനുള്ള ഒരു വിദ്യ ഇന്ന്‍ പഠിക്കാം.
ചിത്രത്തില്‍ കാണുന്നതു പോലെ ഇടത്തെ കയ്യിലെ നാലുവിരലുകളില്‍ 1, 2, 4, 8 എന്നിങ്ങനെ ഒരു പേന ഉപയോഗിച്ച് എഴുതുക.
ഇനി ബൈനറി സംഖ്യ ഒരു കടലാസില്‍ എഴുതുക. ഉദാഹരണത്തിന് 1101 എടുക്കാം.
സംഖ്യകള്‍ക്ക് താഴെ വിരലുകള്‍ കൊണ്ടുവരിക.
സംഖ്യയുടെ ഇടത്തുവശത്ത് നിന്ന് ചെറു വിരല്‍ തൊട്ടാണ് തുടങ്ങേണ്ടത്.
0 ആണെങ്കില്‍ വിരല്‍ മടക്കിപ്പിടിക്കുക. 1 ആണെങ്കില്‍ നിവര്‍ത്തിപ്പിടിക്കുക.
ചിത്രം നോക്കുക.
ഇനി നിവര്‍ത്തിപ്പിടിച്ചിരിക്കുന്ന വിരലുകളിലെ സംഖ്യകള്‍ തമ്മില്‍ കൂട്ടിനോക്കുക. ഇതായിരിക്കും ഡെസിമല്‍ സംഖ്യ. അതായത് 8+4+1 = 13.
മറ്റൊരു രീതിയില്‍ പറഞ്ഞാല്‍ (1101)രണ്ട് = (13)പത്ത്
വേറൊരു ഉദാഹരണം കൂടി നോക്കാം.
ബൈനറി സംഖ്യ - 0101
ചിത്രം നോക്കുക.
0101 ന്റെ ഡെസിമല്‍ രൂപം 4+1 = 5.
(0101)രണ്ട് = (5)പത്ത്
© ScienceUncle. All rights resereved.
സയന്‍സ് അങ്കിളിന് പറയാനുള്ളത്..
നന്ദി.. കടപ്പാട്..
No comments:
Post a Comment